تبلیغات
♥خادم هیئتهای حسینی تبریز(حمیدكافی لاله)♥ - آرزوی کربلا (من کلام : سعدی زمان)
 
♥خادم هیئتهای حسینی تبریز(حمیدكافی لاله)♥
خادم هیئت های حسینی تبریز(حمیدكافی لاله)- مداحان پیشكسوت و باصفای آذربایجان و مداح خرد سال مهدی كافی لاله
.... تبلیغ ....
درباره وبلاگ


بو شفاخانه حسینندی طبیب آنی باخور
دکتری قولسوز ابوالفضلدی مجانی باخور
گلون ای درد اولانلار آچیلوب باب کرم
بو یره فاطمنین دیده ی گریانی باخور

******************
ای حسینون عاشقی گل باخ حسینون حالینه
گور نجور تک گالدی میداندا چاتان یوخ دادینه
قالمادی شهرینده چونکی عدالت گورمدی
ایلدی عزم سفر چون عزم رضوان ایلدی

مدیر وبلاگ : حمید كافی لاله
مطالب اخیر
تاریخ روزنمایشگر تاریخ شمسی، قمری و میلادی اوقات شرعیاوقات شرعی پیشرفته
برچسبها
. .

آرزوی کربلا (من کلام : سعدی زمان)


کربلا ای جلوه گاه عشق جانان کربلا

کربلا سنده یاتان جانانه قربان کربلا

سن او یرسن عالم امکاندا حیّ لم یزل

بیر یری خلق ایتمیوب ای کربلا سندن گوزل

سنده بی پرده تجلّی ایلدی صبح ازل

تازه دن قانلی شفقده اولدی پنهان کربلا

عَیبةُ العلم خدا یَنبوعِ حکمت سنده دور

بیر فلک سن نیّر تابان عزّت سنده دور

مغرب جان مشرق هاءِ هویّت سنده دور

یر سنیله فخر ایدر افلاکه هر آن کربلا

فخر ایدنده شانینه کعبه یری اُمُّ القُری

صوت قهر آمیزیله حقدن یتیشدی بو ندا

من سنی خلق ایلمزدیم اولماسیدی کربلا

شانیده سن قطره سن، دریای عمّان کربلا

سنده دور اسماء حسنی ای مطاف ماسوا

منبع اسراریسن ای خاک پاک نینوا

منکشف دور سنده الرَّحمن عَلَی العَرش اِستوا

منکسف دور سنده شمس چرخ ایمان کربلا

بزم اَو اَدنی اولانماز کربلا هم پایه سی

کربلا توپراقیدور خُلدی برین پیرایه سی

ظلّ ممدود عنایت، یعنی ا... سایه سی

سنده دور ای مطلع انوار یزدان کربلا

طور سینای حقیقت سنسن ای دشت بلا

سنده دور آئینه ی پاک جمال کبریا

من ولی حیرتدِیَم سن کربلاسن یا مِنی

سنده وار یِتمیش ایکی قربان جانان کربلا

شرح ایدم ماهیّتون کامل، دلیمده وار قصور

سن او یرسن توپراقوندور توتیای چشم حور

کشف اولار سندن جهاندا معنی ا...ُ نور

ای جمال ا... نوریله چراغان کربلا

دلده اَرِنی چکسه طورونده کلیم عشق آه

لَن دِیَن سسلر نمایاندور بو صحراده اِله

مرتضی حقّینده گر ایتدی نُصیری اشتباه

من حسینه قائلم یوخ جای عصیان کربلا

اولملسیدی آدمین صلبینده بو فرزند اگر

بُل یقین اولمازدی مسجود ملائک بوالبشر

سرّی وار توپراقیوه شاه و گدا تعظیم ایدر

هیکل توحید اولوب سنده نمایان کربلا

هر کیم ایستور یرده گورسون عرش اعظم صورتین

صورتی ترک ایلیوب معنایه ویرسون فکرتین

سنده کی شش گوشه قبرین گورسون اصل علّتین

گَزمسون دشت خیال و وهمی حیران کربلا

عرضه تشبیه ایلدیم عذر ایستورم اولدی خطا

خلق ایدوب خلّاق اگر بیر عرش اول عرش خدا

کربلادور، کربلادور، کربلادور، کربلا

سنده کی عطشان اُلن مظلومه قربان کربلا

سنده واردور بیر یارالی قانینه ا... دیه

کفردور اول سروره گر بیر نفر ا... دیه

من دیمم اللهیدی اول باش سیز بدن امّا نیه

دلده ساکن دور دگل دل جای رحمن کربلا؟

ایلیوب بیر مظهر حق کربلا سنده مقام

جسم عالمده اودور جان، ماسوا صورت تمام

من غلوّ ایتمرم، بودور واللهی معنای امام

وار کلامُ اللهیدن بو قوله برهان کربلا

فرش سن عرش آستان، یرسن ملائک پاسبان

بیر حقیقی کعبه سن عالم لره دارُ الاَمان

ایتمسه توپراقیوه سجده اگر شاه جهان

طاس ذلّت دور باشیندا تاج کیهان کربلا

بیر گِل آلوده سو وار سنده، گوزل آدی فرات

رتبه ده بیر قطره سی مین چشمه ی آب حیات

سخضر ظلمتده قالوردی تا ابد مبهوت و مات

سنده کی گوستَرمَسِیدی آب حیوان کربلا

تا ابوالفضلین سو مشکیندِیدی اول قیمتلی ماء

بیر اونا مین سلسبیل و کوثر اولمازدی بهاء

شانینله ایلردی غبطه چشمه ی آب بقاء

چون اونا تیکمیشدی گوز بیر عدّه عطشان کربلا

حیف اولا بو قیمتیله سالدی قیمتدن اوزین

سو دیدی آل علی تیکدی اونا حسرت گوزین

ایمدی ده پیغمبر و زهرا گورنده سو یوزین

گوز یاشین جاری ایدر چون ابر نیسان کربلا

دِه فراته قان اولیدون کاش یا خشکیده جو

اود دوتوب یاندی عزیز فاطمه، نه سوزدی بو؟

قویمادون ای قان اولان سو سن سولاردا آبرو

سن چوله آخدون حسین ویردی سوسوز جان کربلا

سنده گون تیره گورونسه یوخدی جای گفت و گو

دفن اولوبدور سنده اون سگّیز نفر خورشیدرو

گون اولاردان کسب ایدر ضوء و ضیاء و آبرو

چرخ حُسنه هر بیری بیر ماه رخشان کربلا

گرچه وار چوخ نوجوان، ‌زلف سیاهی چین به چین

لیک اولا بُلمزله حُسنون خرمنینده خوشه چین

سنده بیر نورس جوان وار زلفی رشک مُشک چین

زلفینه پابسته بیر جمع پریشان کربلا

سنده بیر آی قانیله سالدی خسوفه اهل شام

آی نه آی ماه بنی هاشم، علمدار امام

قبری اوسته ایمدیده ایتسه گذر ماه تمام

خجلتیندن گیزلَدَر یوز ماه تابان کربلا

سنده بیر شه قامتین سیندیردی بیر یاغی سپاه

شه نه شه، قامت نه قامت، سایه سی فردوسه راه

حکم دینی میم قامتله ایدوب محکم او شاه

قانیله قرآنه ویردی عزّ شایان کربلا

سنده بیر نجمِ سُها باتدی یوزی قرص قمر

میوه ی قلب پیمبر، آلتی آیلوق سود اَمَر

سود اَمَر هاردا سولی پیکان دمیندن سود اَمَر؟

ناوک پیکان او طفله اولدی پستان کربلا

سنده بیر ظلم ایلدی اتباع شیطان رجیم

مَدِّ بسم اللهیدن آیریلدی رحمن و رحیم

تک نه طه، نوح و ابراهیم و عیسی و کلیم

اولدولار دریای غمده غرق طوفان کربلا

سن او یرسن سنده مرآت حق یکتا یاتوب

سن او یرسن سنده آرام دل زهرا یاتوب

سن او یرسن سنده بیر صد چاک اولان اعضا یاتوب

ثبت اولوب اوندا یوز اون دورت سوره قرآن کربلا

سن او یرسن سنده بیر شیرازه سیز قرآن یاتوب

سن او یرسن سنده جسم عالمِینه جان یاتوب

سن او یرسن سنده بیر باش سیز بدن عریان یاتوب

تربتون کافوریدور، غسلی اونون قان کربلا

جدّی دعوانی حرام آیلاردا ایتمیشدی حرام

امّتی بیر عاشِر شهرُالحرام ایتدی قیام

شاهی اَلدوردی، رعیّت سو یانندا تشنه کام

کوفیان چکدی بو حکمه خطّ بطلان کربلا

سنده یاتدی قان ایچینده بیر ایشیقلی آفتاب

انفعالیندن عذاره سالدی گون قاره حجاب

آچماسِیدی مه یوزیندن دختر زهرا نقاب

حشره تک ظلمات اولوردی کون و امکان کربلا

سنده عاشورا گونی ای کربلا قوم شرور

یاندیروب بیر خیمه دوتدی عالم امکانی شور

خیمه نه خیمه طنابی طُرّه ی مُشکین حور

باشلادی حوریّه لر جنّتده افغان کربلا

سن او یرسن ایتمدی مملوک لر سنده حیا

ووردولار مالک رقاب عالمه قید جفا

بیر یره ظلمین یتوردی کوفیان بی وفا

چرخ افلاک اولدی دُوریندن پشیمان کربلا

قادر و قهّار و حیّ لایزال و لامَکان

گوردی محبوبین یخوبلار سنده قوم کوفیان

جدّ سعدیّ زمانی اُلدورور شمر و سِنان

چوخ عجب دور ایتمدی دنیانی ویران کربلا


نوع مطلب :
برچسب ها : آرزوی کربلا (من کلام : سعدی زمان)، نماهنگ های ماه محرم (5) نماهنگ های ماه محرم (4)، نماهنگ های ماه محرم (3)، نماهنگ های ماه محرم (2)، نماهنگ های محرم (1)، انسان ها متفاوتند، حاج مهدی خادم آذریان،
لینک های مرتبط :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی
وب سایت ختم قرآن مجید



در این وب
در كل اینترنت
پخش زنده حرمپخش حرم ها زنده

کد سایه دار شدن لینک ها

. .