تبلیغات
♥خادم هیئتهای حسینی تبریز(حمیدكافی لاله)♥ - دفن شهدا(من کلام : وافی)
 
♥خادم هیئتهای حسینی تبریز(حمیدكافی لاله)♥
خادم هیئت های حسینی تبریز(حمیدكافی لاله)- مداحان پیشكسوت و باصفای آذربایجان و مداح خرد سال مهدی كافی لاله
.... تبلیغ ....
درباره وبلاگ


بو شفاخانه حسینندی طبیب آنی باخور
دکتری قولسوز ابوالفضلدی مجانی باخور
گلون ای درد اولانلار آچیلوب باب کرم
بو یره فاطمنین دیده ی گریانی باخور

******************
ای حسینون عاشقی گل باخ حسینون حالینه
گور نجور تک گالدی میداندا چاتان یوخ دادینه
قالمادی شهرینده چونکی عدالت گورمدی
ایلدی عزم سفر چون عزم رضوان ایلدی

مدیر وبلاگ : حمید كافی لاله
مطالب اخیر
تاریخ روزنمایشگر تاریخ شمسی، قمری و میلادی اوقات شرعیاوقات شرعی پیشرفته
برچسبها
. .

دفـن شهــدا

ای قبیله اهلی گلون وئروم

بو بدنلری بیربه‌بیر نشان

دفن ائداخ بوتون یرده قالماسون

 نعشی قاسم و اکبر جوان

شوریله ازل بیر دولاندیلار

اول بلالی میدانی دلکباب

گوردولر دوشوب پاره نعشلر

 قان ایچینده مانند آفتاب

 گلشن ارم تک آچوبدی گل

 بسکه چوخ دگوب یاره بی‌حساب

 سربه‌سر دوتوب گل بدنلری

 زخم خنجر و ناوک و سنان

 بیر یره یتنده نه گوردیلر

 قان ایچینده باشسیز جنازه‌وار

 نه الی نه باش نه ده بارماقی

 لباس کهنه نمازه وار

 بسکه اوخ ووروبلار شباهتی

 یاره‌دن امیر حجازه وار

 ال چکوب حریم حجازدن

 جان وئروب قوری یرده جانفشان

 یوز قویوب قبیله جماعتی

 ائتدیلر او بیماردن سؤال

 بو بدن کیموندور بو ضعفله

 جلوه‌گردی قان ایچره چون هلال

 سویلدی بو جدیم حسیندی

 آت چاپوبلا ایلورله پایمال

 پیکری قوم اوسته قالوب گئدر

 شامه گون کیمی باشی ارمغان

 نعش شاهه تکفینه اولمادی

 دسترس ز بس سندس حریر

 عاقبت او سلطان دین اوچون

 ائتدیلر کفن کهنه بیر حصیر

 چولقیوب حصیره باباسینی

 قویدی قبره اول مرشد خبیر

 قبری اوسته یازدی حسیندی بو

 آج سوسوز وئروب قوملار اوسته جان

 سویلدی بابام ساقلقیندا چون

 چوخ سووردی شهزاده اکبری

 قبرینون ایاق سمتینی آچوب

 قویدی نعشی شبه پیغمبری

 حسرتیله وئردی قوجاقینه

 شیرخواره آلتی آیلوق اصغری

 آغلیاندا بیر نوعی رام ائده

 ائتمیه سوسوزلوقدان الامان

 سرّی وار کنار امامیده

 قویدی بیربیر اصحاب طاهری

 جمع قیلدی یتمش جنازه‌نی

 بیر یره بودور سرّ ظاهری

 حاجب ائتدی اول آستانه‌ده

 مرقد حبیب مظاهری

 آستانه‌ی شهده فرضدور

 بیر نفر اولا پیر پاسبان

 دوره‌ی امامتده دفن ائدوب

 بیر به بیر اصحاب امامتی

 سویلدی گورون وار داخی قالان

 عرض قیلدیلار یوخ علامتی

 سویلدی فرات اوسته بیر قالور

 قان ایچینده عباسی قامتی

 باش گئدوب دوشوب قول یاتوب علم

 مشگینه دولوب سو یرینه قان

 بسکه چوخ داغیلمیشدی پیکری

 ممکن اولمادی نقلی ال وئره

 دفن اولوبدی عباس باوفا

 صدر زیندن دوشدوقی یره

 ایستدی مصیبتلرین اونون

 عالمینه فاحش بولوندوره

 یازدی قبری اوسته بودور ائدن

 غملری حسین قامتین کمان

 قویمادی حسین بیرقین یاتا

 تا که اوزلقندیدی اختیار

 سالدیلار ایکی قولّارین یره

 بیر ایچیم سو اوستونده اهل نار

 مشگی اوخلانوب قولّاری گئدوب

 آردیجا قالوب دایم اشگبار

 آهووان چین بانوان دین

 آل مصطفا زار و موکنان

 گرچه «وافیا» حیرت فزون

 بو مقاله‌ده وئردی ال سنه

 مرشد علیل عاقبت دلیل

 اولدی باطناً ماحصل سنه

 سهلتر گوروندی بو قصه‌ده

 سخت و صعب‌اولان هر عمل سنه

 ال گوتورمه بو اعتصامدن

 ایسته‌سن اولا لطف شایقان

(من کلام : وافی)



نوع مطلب :
برچسب ها : دفن شهدا(من کلام : وافی)، دفن شهدا (من کلام : ریاضی)، دفن شهدا (من کلام : لاادری)، دفن شهدا(من کلام : ذهنی)، هانسی گروهون بیله مولاسی وار، شیعه لرون حضرت عباسی وار، ماجرای شیعه شدن یک خانواده مسیحی با توسل به حضرت عباس(ع)+فایل صوتی،
لینک های مرتبط :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی
وب سایت ختم قرآن مجید



در این وب
در كل اینترنت
پخش زنده حرمپخش حرم ها زنده

کد سایه دار شدن لینک ها

. .