تبلیغات
♥خادم هیئتهای حسینی تبریز(حمیدكافی لاله)♥ - احوالات کوفه (من کلام : ذهنی زاده)
 
♥خادم هیئتهای حسینی تبریز(حمیدكافی لاله)♥
خادم هیئت های حسینی تبریز(حمیدكافی لاله)- مداحان پیشكسوت و باصفای آذربایجان و مداح خرد سال مهدی كافی لاله
.... تبلیغ ....
درباره وبلاگ


بو شفاخانه حسینندی طبیب آنی باخور
دکتری قولسوز ابوالفضلدی مجانی باخور
گلون ای درد اولانلار آچیلوب باب کرم
بو یره فاطمنین دیده ی گریانی باخور

******************
ای حسینون عاشقی گل باخ حسینون حالینه
گور نجور تک گالدی میداندا چاتان یوخ دادینه
قالمادی شهرینده چونکی عدالت گورمدی
ایلدی عزم سفر چون عزم رضوان ایلدی

مدیر وبلاگ : حمید كافی لاله
مطالب اخیر
تاریخ روزنمایشگر تاریخ شمسی، قمری و میلادی اوقات شرعیاوقات شرعی پیشرفته
برچسبها
. .

احــوالات کـوفـــه

ای کوفه لیلر ای قانیلن اللری رنگین

تاریخی بوتون ننگ و جنایاتیله ننگین

حقّوزدی که قان آغلیه سوز شام و سحرگاه

قان آغلاماقوزدان سیزی قورتارماسون ا...

ساکت اولون آز آغلیون ای ملّت مکّار

بی جا بو عبث آغلاماقوزدا نه اثر وار

سیز مرتکب اولدوز او جنایاته نه اغیار

بیر ایله جنایت که جهان مثلینی گورمز

تا وار بو جهان پیر و جوان مثلینی گورمز

سیز مثل او گُلسیز که اولار مزبله یرده

برگینده کثافات اوتورار پرده به پرده

موجودیّتوز دست جنایات بشرده

سیز اسلحه ی جنگ سوز اشرارین اَلینده

شمشیر و سپرسوز هامی کفّارین اَلینده

اوز دینوزی دنیایه نه آز قیمته ساتدوز

آزادگی و عزّتوزی ذلّته ساتدوز

انسانیتی یک سره وحشیّته ساتدور

سیز ملّت آییلماز ایله غفلتده یاتوبسوز

شخصیّتوزی قولا روزا مفت ساتوبسوز

افسوس او پیغمبره که امّتی سیزسوز

وای اولسون او بیر مملکته ملّتی سیزسوز

ویران اولا بو شهری که جمعیّتی سیزسوز

سیز عاطفه سیز ملّته انسان دیماق اولماز

سیز ملّت بی دینه مسلمان دیماق اولماز

وار هانسی دیانتده ایا دین سیز امّت

مهمان آدینا امّت امامین ایده دعوت

مهمانین آلوب دورین ایده قتلینه سبقت

قتلینده ز بس چوخلی جسارت لر اولوندی

اُلدوردوله صبریله جنایتلر اولوندی

ای دعوی اسلام ایلین قوم منافق

بی رحم و شقی، سنگدل و فاجر و فاسق

نفرین ایده جاق سیزلری هر لازم و لاحق

دنیاده سیز ایتدوز او فجایعله جنایت

دنیا بویی جانی لر ایده لّر سیزه لعنت

هیچ بُلدوز اَیا دین سیز امّت نلر ایتدوز

اسلاموزون ارکانینی زیر و زبر ایتدوز

اسلامه اَلوزدن نه جفا گَلدی سیز ایتدوز

بو سهلیدی قویدوز اوزوز اوز خانه زی ویران

ویران اولونوب ظلموزوله خانه ی ایمان

اوز ظلموزی عالم لره بُلدورموسوز ای قوم

اسلام گلستانینی سولدورموسوز ای قوم

پیغمبروزون اوغلونی اَلدورموسوز ای قوم

یخدوز اوزونی ایستی قوم اوستونده لب عطشان

کَسدوز سو کنارینده سوسوز قوچ کیمی قربان

ای کاش فقط قوچ کیمی قربان کَسیلِیدی

ای کاش فقط باشی لب عطشان کَسیلِیدی

بیر ضربتیله فدیه ی جانان کَسیلِیدی

بیر خنجرینه اون ایکی ضربت وورولِیدی

نه پیکرینه سُمّ عداوت وورولِیدی 

(من کلام : ذهنی زاده)



نوع مطلب :
برچسب ها : احوالات کوفه (من کلام : ذهنی زاده)، احوالات کوفه ( من کلام : سعدی زمان)، احوالات کوفه (من کلام : عابد خیابانی)، احوالات کوفه (من کلام : سعدی زمان)، احوالات کوفه (من کلام : اصغر الماسی)، ورود به کوفه و راه شام (من کلام : فرهنگ خدائی)، دفن شهدا (من کلام : صافی)،
لینک های مرتبط :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی
وب سایت ختم قرآن مجید



در این وب
در كل اینترنت
پخش زنده حرمپخش حرم ها زنده

کد سایه دار شدن لینک ها

. .