تبلیغات
♥خادم هیئتهای حسینی تبریز(حمیدكافی لاله)♥ - احوالات کوفه (من کلام : جعفری زاویه)
 
♥خادم هیئتهای حسینی تبریز(حمیدكافی لاله)♥
خادم هیئت های حسینی تبریز(حمیدكافی لاله)- مداحان پیشكسوت و باصفای آذربایجان و مداح خرد سال مهدی كافی لاله
.... تبلیغ ....
درباره وبلاگ


بو شفاخانه حسینندی طبیب آنی باخور
دکتری قولسوز ابوالفضلدی مجانی باخور
گلون ای درد اولانلار آچیلوب باب کرم
بو یره فاطمنین دیده ی گریانی باخور

******************
ای حسینون عاشقی گل باخ حسینون حالینه
گور نجور تک گالدی میداندا چاتان یوخ دادینه
قالمادی شهرینده چونکی عدالت گورمدی
ایلدی عزم سفر چون عزم رضوان ایلدی

مدیر وبلاگ : حمید كافی لاله
مطالب اخیر
تاریخ روزنمایشگر تاریخ شمسی، قمری و میلادی اوقات شرعیاوقات شرعی پیشرفته
برچسبها
. .

احــوالات کـوفـــه

کوفَه  اَهلی  تانیون  سیز  مَنی  حیدَر  قیزیام

حیدَر   بُت شِکَنون   حیدَره    بَنذَر    قیزیام

فاطمه   آدلی   آنام    واردی   پیَمبَر   قیزیام

مَکَّه نون ؛ عید غَدیرون قیزی ؛ مَشعَر قیزیام

حَسنینون   باجیسی   زینَبِ    فَرخُنده    فَرَم

تانیون    کوفه لیلَر    بَحرِ    عِفافـه     گُهَرَم

مُرتَضانون     قیزیام  ؛  فاتح    خیبَر   کیمیَم

خُطبَه   ایراد   اِئلیَن   وَقتیده   حیدَر   کیمیَم

دخترِ     فاطمیَم     دخـتِ     پیمبَر    کیمیَم

مَعدَنِ     غیرَتَم      عبّاسِ     دِلاوَر    کیمیَم

وارثِ   خونِ     شهیدانِ     ملائِکْ     خَدَمَم

حَق   یولوندا   نَه  بَلا  گلسه ده  ثابِت  قَدَمَم

من   حُسین  قارداشیمون  خواهر  دلدادَسیَم

کیمسَه سیز صالح اولان بَنده لرون کیمسَه سیَم

زینب  آدیمدی  حقِ   ذوالمَنَنون    بنده سیَم

خالقِ       لَم    یَزَلون       بندة       آزادَسیَم

شخص  آزاده   مُسَلَّمدی  باش  اَگمَز  سِتَمَه

شُکر اِئدر بنده  همیشه  حقِ   صاحب  کَرَمَه

شاکرم   حَقَّه  که  خلق  ایلیوب  آزاده  مَنی

منه قارداش یارادوبدور  او ؛ حسین و حسنی

بوریادن   او   حُسینی   که   اولوبدور   کَفَنی

قالدی   گونلَر   قاباقیندا   او   مُقَدَّس   بَدَنی

مُفتَضِح   ایلیه جک    قانی    اونون ؛ اَهرِمَنی

گولمیوز    آغلادار     الله     اُسَرایه    گولَنی

سفره میزده یِموسوز کوفه لیلر سیزکه چورک

واریمیزدی سیزون هَر  تَک تَکوزه  حقِّّ  نمک

گولمَسین یوزلروز  هئچ تا  دولانور چرخِ فلک

بو  اسیران  آرا   وار  اوغلی   اُلن  قاره  لچک

چوخ   یتیمه   بالا   وار  قلبی  اَلوزدن  قاندی

سیز گولورسوز  اولارون  دیده لَری گریاندی

واردی بیر تازه گلینده که  یوزه  اشکی آخیر

نیزه   باشینده  گوزی  قاسم   ناشاده   باخیر

ویرمیون دل یاراسی غصّه لی  قلبیم  داریخیر

اُسَرانون   اورگین   زخمِ   زبانوزدی  سیخیر

سیزه مهماندی بو گون  فوجِ  اَسیران اوتانون

بولار   اولاد    پیمبردیله    بالمرّه   ؛    قانون

اهلِ   عِصمتدی   بولار  کوکبِ    اِسپِهرِ  حَیا

باشلاریندا   بولارین  یاسلیدیلار  واردی  قرا

دل لری   ذِکر   ائلیور   یکسره  تَسبیحِ   خدا

میهمانوک   سیزه  ائو  صاحبی  گولمَز  قوناقا

وئرمیشم   سیزلره   من  درسِ  حیا  و  ادبی

سیز  رعایت  ائلمورسوز   ندور  آیا  سببی ؟

(من کلام : جعفری زاویه)



نوع مطلب :
برچسب ها : احوالات کوفه (من کلام : جعفری زاویه)، احوالات کوفه (من کلام : داود بیدق داری)، احوالات کوفـه (من کلام : سعــدی زمان)، احوالات کوفه و شام (من کلام: سعدی زمان)، احوالات کوفه (من کلام : عابد خیابانی)، احوالات کوفه (من کلام : یتیم)، احوالات کوفه ( من کلام : ذهنی زاده)،
لینک های مرتبط :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی
وب سایت ختم قرآن مجید



در این وب
در كل اینترنت
پخش زنده حرمپخش حرم ها زنده

کد سایه دار شدن لینک ها

. .