تبلیغات
♥خادم هیئتهای حسینی تبریز(حمیدكافی لاله)♥ - میلاد امام زمان (عج) ،مرحوم حسینی سعدی زمان
 
♥خادم هیئتهای حسینی تبریز(حمیدكافی لاله)♥
خادم هیئت های حسینی تبریز(حمیدكافی لاله)- مداحان پیشكسوت و باصفای آذربایجان و مداح خرد سال مهدی كافی لاله
.... تبلیغ ....
درباره وبلاگ


بو شفاخانه حسینندی طبیب آنی باخور
دکتری قولسوز ابوالفضلدی مجانی باخور
گلون ای درد اولانلار آچیلوب باب کرم
بو یره فاطمنین دیده ی گریانی باخور

******************
ای حسینون عاشقی گل باخ حسینون حالینه
گور نجور تک گالدی میداندا چاتان یوخ دادینه
قالمادی شهرینده چونکی عدالت گورمدی
ایلدی عزم سفر چون عزم رضوان ایلدی

مدیر وبلاگ : حمید كافی لاله
مطالب اخیر
تاریخ روزنمایشگر تاریخ شمسی، قمری و میلادی اوقات شرعیاوقات شرعی پیشرفته
برچسبها
. .
میلاد امام زمان (عج) از 

مرحوم حسینی سعدی زمان

توسّل ایتماقا امر ایلیوب بشیر و نذیر

امام عصره یتن وقت مذبحه شمشیر

گَلوب تموّجه قهر خدا و بحر بلا

یاخوندی غرق ایده دنیانی بحر قهر خدا

دوتوبدی شش جهتی ابر ابتلا و محن

یاغور بلا یاقیشی روز و شب صباح و مسا

سالوبدی باد مخالف قلوبه چوخ وحشت

نه وقت اولور که اولا شُرطه ی امید رسا

دوشوبدی کشتی دین ظلم الیله گردابه

ترحّم ایله ایا ناخدا به حقّ خدا

ایا امام زمان ای نجات کشتی سی

نجات ویر هامودان اولدی انقطاعِ رجاء

سنون وجودیویله کائناته رزق یتر

سن اولماسان نجه قائم اولار بو ارض و سما

توجّه ایله یازوم قصّه ی ولادتیوی

ویروم محبّلرین گوزلرینه ضوء و ضیا

بلی او نوکره که شاهین التفاتی اولا

خدیو عصر اولی گرچه اولا فقیر و گدا

قلم الیمده اوزوم غرق بحر حیرتده

ایدور منادی غیبی منی بو نوع ندا

دایانما ایله توسّل بقیّت اللهه

عنایت ایتسه اوزی نطقیوی ایدر گویا

آدی کنیّه سی پیغمبریله باهم دور

ایدوب خدا نچه عالی لقب اونا اعطا

لقبده هادی و مهدی و صاحب و قائم

وجودی مظهر آیات خالق یکتا

دیه لّه منتظر و خاتم و اباصالح

علاوه منتقم و حجّت و امام هدا

آتاسیدور حسن عسکری امام همام

آناسی دختر سلطان روم کان حیا

عجب جلالتی وار اسم پاکی نرجس دور

آنا باباسیدی شمعون بن حمون صفا

آناسینون نسبی نسبتاً مسیحه یتر

ولی آتا طرفیندن باباسیدور طاها

بشیر ابن سلیماندی راوی مطلب

اوزی قبیله ی انصاردندی اهل ولا

اونون باباسیدی انصاریده ابو ایّوب

پیمبر امّتی دور، هم محبّ آل عبا

دیر امام علیّ النّقی غلامی گَلوب

دیدی منه سنی حضورینه ایستور مولا

دوروب ایاقه حضور امامه گَلدیم من

سلام ویردیم امام ایلدی جواب ادا

ویروب اجازه اوتوردوم، منه بویوردی امام

محبّتون بیزه چوخدور واروندی دلده صفا

سیزون قبیله تماماً محبّ حیدردور

اودور سنه ویرورم بیر جلالت عُظمی

سنی بو گون ایدورم عمده خدمته مامور

اونیله فخر ایده سن بو جهاندا شیعه آرا

او دمده یازدی فرنگی دیلیله بیر نامه

ایدوب او نامه نی ممهور شاه روز جزا

یانیندا واریدی بیر کیسه اشرفی او شهون

منه او کیسه نی ایتدی او نامه ئیله عطا

دیدی بو کیسه ایکی یوز ایگیرمی اشرفیدور

دایانما جانب بغداده عازم اول امّا

فلان گونون یته سن چاشت وقتی بغداده

کنار جسرده دور تیک گلن گوزیوی یولا

همان محلّیده بیر جمع ازدحام ایلر

او وقتیده گوره سن گَلدی کشتی اسرا

اوزاقدا دور گیله تا عَمرو نام ابن یزید

گَله او برده فروشین باشندا وار غوغا

یانندا واردی اونون بیر کنیز جامه حریر

اودور تمام صفات جمیلیه دارا

خیال ایدر اونا هر کیمسه مشتری اولسون

نظاره ایتماقا ایلر کنیز منع و اِبا

گَلوبدی شیونه رومی دلیله ضجّه ایدر

دیر او ضجّه ده واعصمتا او حور لقا

دیر او وقتیده بیر مشتری حیالیدی چون

بهاسینه ایدرم اوچ یوز اشرفی اعطا

عرب دلیله همان وقتیده کنیز دیر

منال و مالیوی تضییع ایلمه بیجا

تمام سلطنت حضرت سلیمانی

اگر بها ایده سن گَلمرم سنه اصلا

بو سوزده غیظه گَلوب سسلنر او برده فروش

سنون بو امریوه نه چاره ایلیوم آیا

گرک ساتام سنی لابدّ آیری چاره سی یوخ

عبث یره ایدوسن شیون و فغان و نوا

دیر کنیز منی ساتماقا شتاب ایتمه

گرک بیریسی گَله تا او شخصه میلیم اولا

اوزوم سنه دیرم سات همان او شخصه منی

بو فکریدن ایدرم قلبیوی او دمده رها

کنیز صاحبینه ایله که دیر بو سوزی

یری قباقه او ساعت بو نامه نی ویر اونا

بیله روایت ایدر بُشر حجّت اللهین

تمام سوزلری گَلدی ظهوره جای بجا

امام نامه سین آلدی کنیز ایتدی نظر

دولاندیروب یوزینی ووردی صاحبینه صلا

فغانیله دیدی بو نامه صاحبینه منی

اگر آقا ساتاسان چوخ واریمدی میل و رضا

یقیناً اوزگه سی آلسا قسم حقیقتیمه

رضا مماته ویروب ایلرم اوزیمی فنا

غرض بهای کنیز اوسته ایلدوخ صحبت

اولوب مکالمه آخِرده اولدی قطع بها

همان امام علیّ النّقی ویرن وجهه

کنیزی آلدیم او قیمتده ختم اولوب سودا

کنیز شاد اولوب اوز حجره مه گَتوردوم من

یتیشدی منزله تا آفتاب برج وفا

********************************

امام نامه سینی اوپدی قویدی گوزلرینه

باسوب اورک باشنا باشلادی فغان و بُکا

دیدیم تعجّب اوزینله بو نامه صاحبینی

هنوز گورمه میسن ای نجیبه ی دنیا

ندور بو مهر و محبّت بو عاشقانه عمل؟

جواب ویردی که ای مرد ایتمه فکر خطا

یوخوندی عترت خیرُ الانامه معرفتون

تشیّعونده دگلسن ولایته دارا

قولاق ویر سنه تا اوز قضیّه می باشدان

دیوم سنه ایدوم اول مرده قلبیوی احیا

دیمه کنیز منه، من ملیکه ی رومم

بابامدی قیصر رومی طریقتی ترسا

آتا بابامدی وصیّ جناب روح ا...

دیه لّر آدینا شمعون تالیِ عیسی

اون اوچ یاشندا منی ایستدی بابام قیصر

ویره عم اوغلوما، بیر بزم عیش ایدوب برپا

چاقوردی مجلسینه یتدی یوز نفر اشراف

علاوه واریدی اوچ یوز نفر بیوک علما

گَلوبدولر علمای یهود و نصرانی

تمام پیرو دین مسیح و هم موسی

چاقوردی لشکر و سرکرده گانِ لشکردن

یغشدی مجلسه دورت مین نفر تمام اُمرا

آسوبلا بت لری اول بزمه ویردیلر زینت

اوتوردی خرّم خوشحال پیر و هم برنا

ایدوبله تخت مرصّع او بزمیده حاضر

او تخت اولونموشیدی قرخ پایه ده بالا

قویوب او تختیده قارداشی اوغلونی قیصر

دوتوب یوزین علمایه او دمده ایتدی ندا

دایانمیون آچون انجیلی عقدینی اوخویون

کشیش لر اوخوماقه مصمّم اولدیلا تا

تزلزل ایلدی یر سرنگون اولوب بت لر

یخلدی قارداشی اوغلی یتوب اونا ایذا

دوروب کشیشلرین سویلدی رئیسی او دم

بیوک نحوست اولور بو قضیّه دن پیدا

گَلور گمانیمه عیسی بن مریمین دینی

همین نحوستیله جمله محو اولور گویا

بابام اونون او سوزین فال بد حساب ایلدی

دیدی دوباره ایدون تختی اوز یرینده بنا

بو اوغلانون گَتیرون قارداشین قویون یرینه

ایدون قیزی اونا تزویج رفع اولا بو عَنا

او تخت اوسته گَلوب چخدی قارداشی اوتوروب

وظیفه سین علما ایسته دی ایده ایفا

ازلکی دفعه دن آرتوخ یر ایلدی لرزه

داغلدی خلق اولوب بزم عیش غصّه سرا

گَلوب اوتوردی حرمخانه ده بابام مایوس

گونون شعاعی گیدوب گَلدی لیله ی یلدا

گئجه زمانی یاتوب یوخلادیم یتیشدی منه

سعادت ابدی یعنی گوردوقوم رویا

همان او قصریده گوردوم مسیحیله شمعون

دوتوب قرار، اولوب قصر جنّتُ الماوا

او بزم عیشیده حاضر اولوب حواریّون

ایدوبله بیر اوجا تخت اوردا غیبیدن برپا

نه تخت پایه لری عرشدن معلّادور

قویوبلا اورداکی گوندوز واریدی تخت اوردا

گَلوب او قصره او ساعت محمّد عربی

یانندا حیدر کرّار یعنی شیر خدا

اونون یانندا سراسر وصیلری دوزولوب

اولار که شافع امّت اولولّا روز جزا

رسول اکرمی ایتدی مسیح استقبال

اولوبلا قول بویون اوندان صورا دیدی طاها

وصیّوین قیزینی گَلموشم ایدم تزویج

وصیّمون بالاسی بو مَلَک سیَر بالاما

اشاره ایلدی برج امامتین گونونه

که یعنی اسمی حسن عسکری ملقّب اولا

اونون آتاسی همین نامه نی ویروبدی سنه

اوزوم آتام آنام اول میر مقتدایه فدا

دولاندوروبدی یوزینی دوباره شمعونه

خطاب ایلدی شاه مدینه و بطحا

ایدوب سنه ایکی دنیا سعادتی اقبال

منیله نسلیوی پیوند ایلوسن آیا؟

جواب ویردی رضایم، او دمده ختم رسل

چخوب او منبره بیر خطبه ایلدی انشا

اوز اوغلونا منی تزویج ایتدی پیغمبر

نکاح صیغه سی اولدی مسیحیله اجرا

مسیح احمد محمودیله ایکی یرده

گئجه زمانی گَلوب بیر یره ایدوب شورا

بیری بورِیدی که جشن اولدی عقد اوخوندی ولی

بیر آیری یرده گَلوب قوردولار اساس عزا

ایاق یالین باش آچوخ گَلدیلر کلیسایه

گوروبله دیریده مهماندی سیّد الشّهداء

کسوک باشیله ایدوب دیری رشک وادی طور

اولوب تجلّی نوریله محو مین موسی

الونده خامه "حسینی" یانور سرشکیله

سو سَپ صحیفیه تا الده یانماسون طغرا


نوع مطلب :
برچسب ها : میلاد امام زمان (عج)، مرحوم حسینی سعدی زمان، رستم شاهمردای سرایی، شعری در ولادت حضرت ناموس دهر امام زمان (عج)، مرحوم استاد محمّد عابدی خیابانی، شعری در توصیف روز ظهور مهدی زهرا (عج)، مرحوم حاج حیدر خوندل تبریزی،
لینک های مرتبط :
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی
وب سایت ختم قرآن مجید



در این وب
در كل اینترنت

کد سایه دار شدن لینک ها

. .